Ang Samahan ng mga Mag-aaral sa Sikolohiya ay isang propesyonal na organisasyon sa De La Salle University. Patuloy na itinataguyod ng SMS ang pag-aaral at pagpapaunlad ng Sikolohiya bilang malawak at makabuluhang pag-unawa at pagtangkilik sa iba’t ibang aspeto ng kurso. Hangad din nitong mapagbuklod ang mga mag-aaral pati na rin ang mga guro at ang buong komunidad ng Sikolohiya tungo sa maayos na pagkakaisa. Ito ay ipinapatupad sa pamamagitan ng pagsasagawa ng mga talakayan, lektyur at iba pang mga gawaing makakatulong sa kanilang pag-unlad at pagkatao.