“Bir” Tələbə-Könüllü proqramı 14 dekabr 2015-ci ildə Azərbaycan Respublikası Təhsil Nazirliyi tərəfindən Azərbaycanın siyasi və iqtisadi inkişafında böyük rol oynayan tələbə-könüllülərlə işi sistemləşdirmək, könüllülük fəaliyyətini stimullaşdırmaq, tələbələrin dərsdənkənar asudəvaxtlarının dəyərləndirilməsi üçün yaradılmış uzunmüddətli proqramdır. Tələbələrin asudə vaxtlarını səmərəli edən, onların müxtəlif tədbir və təlimlərdə iştirakını təmin edən, tələbələri yardıma ehtiyacı olan şəxslərə köməklik göstərilməsinə cəlb edən “Bir” Tələbə-Könüllü proqramı 6 müxtəlif istiqamətdən – Öyrən, Öyrət, Yaşa, Yaşat, Kəşf Et, Zövq Al-dan ibarətdir. Qeyd edilən istiqamətlər tələbə-könüllülərin təhsil və şəxsi inkişaf mühitinin yaxşılaşdırılması, geniş imkanlarının yaradılması, ictimai fəallığın təmin olunmasına xidmət edir. Tələbə-Könüllü hərakatı olaraq təsis edilmiş Proqram, 2 avqust 2019-cu ildən öz fəaliyyətini “Bir Könüllü” Tələbələrin Əməkdaşlığı İctimai Birliyi kimi dəvam etdirir.