Operatori celular shqiptar PLUS lindi si një nismë e disa prej sipërmarrësve dhe biznesmenëve më të suksesshëm shqiptarë në disa fusha të ekonomisë së vendit. PLUS synon që të krijojë sinergji biznesi si dhe të shpërndajë përfitime për të gjitha palët, në një shkallë akoma më të gjerë. Operatori celular PLUS është aktualisht një ndër investimet më të rëndësishme të komunitetit të biznesit. PLUS Communication Sh.A, operatori celular i vetëm me kapital shqiptar, u themelua në qershor të vitit 2009, pas dhënies nga AKEP të Autorizimit Individual (licencës) për të ofruar shërbime të telefonisë së lëvizshme GSM, pasi paraqiti ofertën me të lartë prej 7.2 milionë eurosh në një tender ndërkombëtar. PLUS hodhi në treg masivisht shërbimet e tij pas përurimit të ambienteve të Qendrës Teknologjike më 27 nëntor 2010 në vigjilje të festës së pavarësisë. Operatori më i ri në treg ka arritur të shtrijë sinjalin cilësor PLUS në çdo cep të vendit në një kohë rekord, duke arritur të mbulojë 95 % të popullsisë. Në më pak se një vit aktivitet tregtar PLUS numëron mbi 400 mijë abonentë në të gjithë vendin, duke shënuar një nivel të lartë dhe dinamik penetrimi në të gjithë vendin.