Ljósið

Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þess. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt. 1 af hverjum þremur Íslendingum fær krabbamein á lífsleiðinni en um 1600 Íslendingar greinast með krabbamein á ári hverju. Ljósið leikur lykilhlutverk í endurhæfingu meirihluta þessara einstaklinga.