Բարի Խնամք Kind Care

Տարեցների և առողջական խնդիրներ ունեցեղ անձանց համար խնամքի ծառայություն և օգնության տրամադրում` ինչպես տնային, այնպես էլ հիվանդանոց «Բարի խնամք» կազմակերպության հիմնական նպատակն է՝ հոգատար և որակյալ խնամք ու օգնություն տրամադրել տարեց և առողջական խնդիրներ ունեցող անձանց ինչպես տանը, այնպես էլ` տնային պայմաններից դուրս: Մենք պատրաստ ենք օգնել Ձեզ օրվա ցանկացած պահի: Երաշխավորում ենք, որ մեր ծառայությունները Ձեր ընտանիքին կբերեն հոգեբանական անդորր և մտքի խաղաղություն: «Բարի խնամք» կազմակերպության առաքելությունն է հոգատար խնամք տրամադրել վիրահատված, կոտրվածքներ ու վնասվածքներ ստացած հիվանդներին, քրոնիկ հիվանդություններով տառապող և հաշմանդամություն ունեցող անձանց ու տարեցներին: Մենք ձգտում ենք օգնել տարեցներին ու հիվանդներին հեշտացնելու իրենց կյանքը՝ կիսելով նրանց հետ մեր ջերմությունն ու հոգատարությունը: Մեր աշխատակիցների գերակշռող մեծամասնությունն ունի մասնագիտական կրթություն և հիվանդների հետ աշխատելու մեծ փորձ: Նրանցից շատերն անցել են մասնագիտացված դասընթացներ և տիրապետում են տարբեր հիվանդություններով տառապող հիվանդների խնամքի առանձնահատկություններին՝ պայմանավորված նրանց ֆիզիկական և հոգեսոմատիկ վիճակով: Հետևաբար, մենք փորձում ենք հիվանդների համար ընտրել մասնագետ՝ հաշվի առնելով ախտորոշման առանձնահատկությունները՝ բժշկի առաջարկած խնամքի և վերականգնման ծրագրին համապատասխան: Մենք անչափ կարևորում ենք խնամողի վերաբերմունքը պացիենտի նկատմամբ: Տրված դրական էմոցիաներն ու արտաքին աջակցությունն արագացնում են վերականգնումը լուրջ հիվանդություններից հետո՝ նույնիսկ սոցիալապես ակտիվ մարդկանց մոտ: Հարմարվելը կյանքի նոր իրողություններին և սեփական կարողություններին առանց խնամքի և արտաքին աջակցության՝ պարզապես անհնար է: Ֆիզիկական թուլություն, ինքնասպասարկման դժվարություններ, թուլացած տեսողության և լսողության հետևանքով շփման դժվարություններ. կարևոր է ոչ միայն հասկանալ և ընդունել այդ խնդիրները, այլև՝ կարողանալ հիվանդին ոգևորել, աջակցել ֆիզիկական գործողություններին՝ առանց անձի արժանապատվությունը նսեմացնելու: Մեր մասնագետները հաջողությամբ կատարում են իրենց առաջադրված խնդիրները: