Gənc Psixoloqlar İctimai Birliyi

“Gənc Psixoloqlar” ictimai birliyi ölkəmizdə həmçinin digər ölkələrdə psixologiya ixtisası üzrə təhsil alan azərbaycanlıları, bu ixtisas üzrə çalışan, tədqiqatlar aparan gəncləri birləşdirən bir qeyri-hökümət təşkilatıdır. “Gənc Psixoloqlar” ictimai birliyi 2015-ci ilin sentyabr ayında təsis edilmiş və həmin ilin oktyabr ayında Azərbaycan Respublikası Ədliyyə Naziliyi tərəfindən dövlət qeydiyyatına alınmışdır. İctimai birliyin əsas məqsədi ölkəmizdə gənc psixoloq kadr ehtiyacının qarşılanması məqsədi ilə vətənini sevən, dövlətinə sadiq, dünyəvi dəyərlərə və biliklərə sahib gənc mütəxəssislərin yetişdirilməsi və cəmiyyətimizin psixi sağlamlığı istiqamətində vahid fəaliyyəti təmin və təşkil etməkdir. Bu məqsəd ətrafında birləşmək istəyən, ümumi dəyərlərimizə hörmətlə yanaşan hər bir gənc psixoloq bizim sıralarımıza qoşula bilər.