Gjykata E Lartë E Republikës Së Shqipërisë

Gjykata e Lartë e Republikës së Shqipërisë, si gjykata më e lartë në vend, luan një rol vendimtar në vendosjen e drejtësisë dhe standardit të punës së gjyqësorit. Gjykata e Lartë i shërben publikut dhe promovon besimin e tij në gjyqësorin në tërësi, duke mbrojtur parimet e pavarësisë, paanësisë, drejtësisë, besueshmërisë dhe aksesit transparent për të gjithë. Vendimmarrja në gjyqësorin e Republikës së Shqipërisë mbështetet në këto parime me rëndësi: qasja, efektiviteti, efikasiteti, barazia, dinjiteti, paanshmëria, besueshmëria, respekti, përgjegjësia dhe transparenca. Gjykata e Lartë e Republikës së Shqipërisë gjithashtu luan një rol me rëndësi në krijimin e standardit se si gjykatat e ndajnë informacionin, se si ato komunikojnë me publikun dhe se si i edukojnë qytetarët. Efektshmëria në dhënien e drejtësisë rritet nga aftësia dhe vullneti i gjykatës për të komunikuar lidhur me procesin në një formë të hapur, konsekuente dhe strategjike. Kjo faqe në Facebook e Gjykatës së Lartë mund të shërbejë si një faqe e parë orientuese për të gjithë përdoruesit e mediave sociale të cilët kërkojnë informacion lidhur me sistemin e gjykatave në Shqipëri në përgjithësi dhe lidhur me çështjet e Gjykatës së Lartë në veçanti.