Formula P/F

Formula er fremsti heildarveitari av kunningartøkni til fyritøkur og stovnar í Føroyum. Okkara aðalmál er at virka fyri at okkara viðskiftafólk fáa optimerað teirra virksemi, og harvið økja teirra produktivitet. Vit menna og veita loysnir, ið skapa meirvirði fyri kundan umvegis størri inntøkur og/ella færri útreiðslur. Loysnir frá Formula verða seldar kring allan heimin. Nevnast kunnu m.a. Totalview, sum í dag hevur yvir 100.000 brúkarar og Invoice Workflow, sum uppá lutfalsliga stutta tíð er seld í 150 eintøkum uttanlands. Formula er eitt fíggjarliga trygt virki við eini eginfígging á 55% og einum gjaldførislutfalli á 355. Á Formula starvast 80 starvsfólk, og vit hava skrivstovur í Tórshavn, Runavík og Keypmannahavn.