Arizmendi Ikastola

Arizmendi Ikastola hezkuntza-komunitatea zabala da; 3.200 ikaslek, 2.100tik gora familiak, 275 profesional inguruk eta bailarako hainbat eragilek osatzen dugu. Eta Aretxabaleta, Arrasate eta Eskoriatzako herrietan kokatuta dauden 12 gunetan aritzen gara lanean. Hezibide Elkartean biltzen ziren ikastolek 1999an Leintz bailaran unibertsitate aurreko hezkuntza-eskaerei erantzun euskaldun, kooperatibo eta bateratua emateko asmoz, Arizmendi Ikastola martxan jarri genuen, eta 2003an ikastola kooperatiba bakarra sortzeko bat egin ginen. Irabazi asmorik gabeko kooperatiba integrala gara; bazkide onuradunek (familiek), lan-bazkideek eta bazkide laguntzaileek osatutakoa. Eta bi erakunde-sare handitako partaide: Euskal Herriko Ikastolak Europar Kooperatiba Elkartea (Ikastolen Elkartea) eta Mondragon Taldea. Sare bateko zein besteko parte izateak dakarren sendotasunetik eta konpromisotik bailaran eta Euskal Herrian geure ekarpena egiten saiatzen gara herri honek barrutik sendo dauden pertsona euskaldun, kooperatibo, ekintzaile eta eraldatzaileak behar dituelako.